![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Drejtori i Policisë së Shtetit, Muhamet Rrumbullaku ka zhvilluar një takim me 12 strukturat vendore në qarqe, për t’u dhënë disa porosi profesionale.
Përgjatë takimit Rrumbullaku u kërkoi përmirësimin e standardit të shërbimit policor, veçanërisht ne kulmin e sezonit turistik. Ai theksoi se Policia e Shtetit nuk është strukturë për vendosjen e gjobave dhe vjeljen e tyre, por në shërbim të plotë ndaj qytetarëve.
“Çdo shkelje e etikës nga punonjësit e policisë, në kontakt me turistët, nuk do të trajtohet vetëm si një përgjegjësi individuale, por edhe si një përgjegjësi e drejtuesve përkatës. Policia e Shtetit nuk është një strukturë për vendosjen e gjobave dhe vjeljen e tyre, por është në shërbim të qytetarëve, vendas dhe të huaj, duke dëshmuar etikë dhe profesionalizëm. Këshillimi dhe ndihma për qytetarët duhet të jenë parësore në punën e punonjësit të policisë”, u shpreh Rrumbullaku.
Gjithashtu, Drejtori i Përgjithshëm i Policisë së Shtetit kërkoi nga drejtuesit vendorë të policisë marrjen e masave për parandalimin dhe goditjen e kriminalitetit, me një fokus të veçantë te lufta ndaj kultivimit të bimëve narkotike dhe vendosja përpara drejtësisë e personave në kërkim.